Samstarfsfólk

Ársæll Rafn Erlingsson leikstjóri og kvikmyndagerðamaður aðstoðaði Gísla og Ragnar við að taka upp og útbúa myndbönd til að nota í jafnréttisfræðslunni. Ársæll er nemandi við Menntavísindasvið HÍ í tómstunda- og ferðamálafræði.

Embla er félagsfræðingur og talskona Tabú. Hún hefur tekin virkan þátt í hagsmunabaráttu fatlaðs fólks og hinsegin fólks sl. áratug og starfar nú hjá Háskóla Íslands sem sundakennari og verkefnisstjóri. Þátttaka hennar í Jafnrétti fyrir alla verkefninu hefur falist í að vinna með Gísla og Ragnari að fræðsluefni um samráðsskyldu stjórnvalda við fatlað fólk og skipulagi jafnréttisfræðslu í framhaldsskólum.

Eiríkur er menntaður heimspekingur og fötlunarfræðingur sem hefur starfað með fötluðu fólki á mörkum persónulegrar aðstoðar, fræðistarfs og réttindagæslu. Þátttaka hans í Jafnrétti fyrir alla hefur falist í persónulegri aðstoð við Gísla og aðstoð við að taka viðtöl við þátttakendur rannsóknarinnar.

Freyja er þroskaþjálfi og hefur lokið MA gráðu í kynjafræði. Freyja tekið virkan þátt í réttindabaráttu fatlaðs fólks síðasta áratuginn, m.a. sem framkvæmdastýra NPA miðstöðvarinnar og sem talskona Tabú. Hún hefur einnig unnið við kennslu og rannsóknir við HÍ. Þátttaka Freyju í Jafnrétti fyrir alla felst í samstarfi við Gísla og Ragnar, að skrifa og hanna leiðbeinandi bækling um samráðsskyldu stjórnvalda við fatlað fólk.

Harpa Björnsdóttir er menntaður vöruhönnuður og myndlistakona. Einnig hefur hún starfað sem stundakennari í Starfstengdu diplómanámi fyrir fólk með þroskahömlun síðustu ár. Þátttaka hennar í Jafnrétti fyrir alla verkefninu hefur falist í því að gera skærulist með Ragnari og Gísla í þeim tilgangi að vekja athygli á því að ekki er gert ráð fyrir öllum í samfélaginu.

Hrafnhildur er viðskipta- og frumkvöðlafræðingur sem hefur starfað sem aðstoðarkona Gísla undanfarin ár. Þátttaka hennar í Jafnrétti fyrir alla hefur falist í að aðstoða Gísla, taka myndir fyrir myndaritgerðir, vefsíðugerð,  hönnun og framkvæmd fjáröflunar.

Sigurlaug Gísladóttir hefur verið aðstoðarkona Gísla í nokkur ár og aðstoðað hann við störf sín á Menntavísindasviði. Haustið 2020 tók Sigurlaug að sér hlutverk aðstoðarkennara í jafnréttisfræðslunni og að aðstoða Ragnar og Gísla við að skipuleggja vinnustofur fyrir sveitarfélög um virkt samráð.